དགའ་བདེའི་དམངས་ཆེན་བརྡ་འཕྲིན།

ཁུལ་དམངས་ཆེན་བརྟག་ཞིབ་ཚོགས་པས་དགའ་བདེ་རྫོང་སྤྱི་ཚོགས་

ཉེན་སྲུང་བྱ་བ་སྒྲུབ་པའི་གནས་ཚུལ་ལ་བརྟག་ཞིབ་བྱས།

ཟླ་དྲུག་པའི་ཚེས་ལྔ་ཉིན་ཁུལ་དམངས་ཆེན་རྒྱུན་བསྐོས་ཁང་གི་དྲུང་ཡིག་ཆེན་མོ་གཞོན་པ། གཞུང་སྒྲུབ་ཁང་གི་ཀྲུའུ་རིན་གཞོན་པ་མཱ་བུན་ཁྲིན་སོགས་མི་བཞི་དགའ་བདེ་རྫོང་རུ་ཕེབས་ནས། སྤྱི་ཚོགས་ཉེན་སྲུང་བྱ་བ་སྒྲུབ་པའི་གནས་ཚུལ་ལ་བརྟག་ཞིབ་བྱས། བརྟག་ཞིབ་ཚོགས་པའི་ཡུལ་དངོས་དང་ཞུགས་མོལ་ཚོགས་འདུའི་བྱེད་ཐབས་བརྒྱུད་ནས་རང་རྫོང་གི་སྤྱི་ཚོགས་ཉེན་སྲུང་བྱ་བར་རྒྱུས་ལོན་དང་མཛུབ་སྟོན་བྱས། རྫོང་བསྐོས་ཧྲུའུ་ཅི་གཞོན་པ། རྫོང་དཔོན་གཞོན་པ་ཀྲང་ཅན་དཔའ་ཚོགས་འདུར་ཞུགས་ལ་གནས་ཚུལ་ཡར་ཞུ་བྱས། རྫོང་མི་ནུས་ཐོན་ཁུངས་དང་སྤྱི་ཚོགས་འགན་སྲུང་། སྨན་བཅོས་འགན་སྲུང་ཅུས། འཕྲོད་བསྟེན་བདེ་ཐང་ཅུས། འཕེལ་རྒྱས་དང་བསྒྱུར་བཅོས་ཅུས། ཕྱུགས་ལས་ཆུ་བེད་དང་ཚན་རྩལ་ཅུས་བཅས་ཀྱི་འགན་ཁུར་མི་སྣ་ཞུགས་མོལ་ཚོགས་འདུར་ཞུགས། རྫོང་དམངས་ཆེན་རྒྱུན་བསྐོས་ཁང་གི་ཀྲུའུ་རིན་གཞོན་པ་ཀྲང་ཧྲིན་ལུང་གིས་ཚོགས་འདུར་མདོ་འཛིན་བྱས།

ཚོགས་འདུའི་སྟེང་། རང་རྫོང་གི་སྤྱི་ཚོགས་ཉེན་སྲུང་གི་བྱ་བའི་སྙན་ཞུར་གསན་ལ་ལས་ཁུངས་སོ་སོའི་རང་སྡེ་ཁག་གི་སྤྱི་ཚོགས་ཉེན་སྲུང་བྱ་བའི་འགན་ནུས་དང་འབྲེལ་བའི་གླེང་བརྗོད་བྱས་ལ། བརྟག་ཞིབ་ཚོགས་པས་རང་རྫོང་གི་སྤྱི་ཚོགས་འགན་སྲུང་བྱ་བའི་གྲུབ་འབྲས་ལ་གདེང་འཇོག་དང་ཕྱི་བཞུགས་ཀྱི་བྱ་བར་དགོངས་འཆར་དང་རེ་བ་བཏོན།

བརྟག་ཞིབ་ཚོགས་པས་བསྟན་དོན། སྤྱི་ཚོགས་ཉེན་སྲུང་བྱ་བ་ནི་འཚོ་བ་འགན་སྲུང་དང་དམངས་འཚོ་ལེགས་བསྒྱུར་གྱི་འགན་འཁྲི་གལ་ཆེན་ཡིན་ལ། ལས་ཁུངས་ཀྱི་ཁུར་བོ་སྙོམས་སྒྲིག་དང་དཔལ་འབྱོར་བརྟན་བརླིང་ངང་འཁོར་སྐྱོད་བྱེད་པའི་འགན་ནུས་ཆེན་པོ་འཁུར་ཡོད་པས། མི་དམངས་མང་ཚོགས་ཀྱི་ཁེ་ཕན་དངོས་དང་དཔལ་འབྱོར་འཛུགས་སྐྲུན་འཕེལ་རྒྱས་སྲ་བརྟན་ལ་སྲུང་སྐྱོང་བྱེད་པར་འབྲེལ་བ་ཡོད། འབྲེལ་ཡོད་སྡེ་ཁག་གིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་ལག་ལེན་བྱས་ནས་སྤྱི་ཚོགས་ཉེན་སྲུང་འཕེལ་རྒྱས་ཀྱི་དགོངས་དོན་གྱི་རེ་བ་དངོས་དོན་འཁྱོལ་བྱས་ཏེ། འགན་ཁྲིའི་ལྟ་བ་དང་ལས་འགན་གྱི་ལྟ་བ་མཐོར་འདེགས་སྒོས་སྤྱི་ཚོགས་འཕེལ་རྒྱས་དང་མི་དམངས་འགན་སྲུང་འཆར་འགོད་བྱས་ནས་འགན་སྲུང་དང་དམངས་འཚོ་ལེགས་བཅོས་ནི་བྱ་བ་ཡོངས་ཀྱི་འགོ་འཛིན་ས་དང་རྐང་ཚུགས་ས་རུ་འཛིན་དགོས་ཅེས་གསུངས་བ་རེད།

བརྟག་ཞིབ་ཚོགས་ཆུང་གིས་རང་རེའི་རྫོང་གི་སྤྱི་ཚོགས་འགན་བཅོལ་ལས་དོན་ལ་བླང་བྱ་བཏོན་པ་སྟེ། གཅིག་ནས་སྤྱི་ཚོགས་འགན་སྲུང་གི་མཐའ་ཚད་བརྟན་སྲུང་ཐུབ་པ་བྱས་ནས་འབྲེལ་ཡོད་སྡེ་ཚན་ཁག་གིས་གཞོགས་འདེགས་དམ་ཟབ་བྱས་ཏེ་རྒན་གསོ་འགན་བཅོལ་སོགས་ཀྱི་ལམ་ལུགས་མགྱོགས་མྱུར་སྒོས་འཐུས་ཚང་དུ་བཏང་སྟེ་སྤྱི་ཚོགས་འགན་བཅོལ་ཐེབས་རྩའི་དོ་དམ་འཁོར་སྐྱོད་ལམ་ལུགས་ལག་བསྟར་ནན་མོ་བྱས་ནས་མང་ཚོགས་ཀྱི་རྒན་གསོ་འགན་བཅོལ་ལས་དོན་ལ་སྐུལ་འདེད་བརྟན་པོ་གཏོང་དགོས། གཉིས་ནས་སྤྱི་ཚོགས་བརྟན་ལྷིང་སྲུང་སྐྱོང་བྱེད་པའི་ཁྱོན་ཡོངས་ལ་ཞབས་འདེགས་ཞུ་ཐུབ་པ་བྱས་ནས“བྱ་བ་སྒྲུབ་མི་ཐུབ་པ་”གོང་ཞུ་བྱེད་སའི་སྐར་ཁུང་ཀྱི་སྤྱོད་ཚུལ་འགྱུར་བཅོས་བཏང་ནས། མདུན་ཕྱོགས་ཀྱི་སྐར་ཁུང་མུ་མཐུད་ཏུ་བཀོད་ནས་མང་ཚོགས་ཀྱི་སེམས་ཁྲལ་དང་དཀའ་གནད་སེལ་བ་དང་མྱུར་སྒྲུབ་སྐར་ཁུང་ཞབས་ཞུའི་བྱེད་ནུས་སྔར་བས་ཆེ་རུ་བཏང་སྟེ་མང་ཚོགས་དང་ཁེ་ལས་ལས་དོན་སྒྲུབ་པའི་བརྒྱུད་རིམ་ཁྲོད་ཀྱི་ཐོབ་ཚོར་ཆེ་རུ་གཏོང་དགོས་པ། གསུམ་ནས་སྤྱི་ཚོགས་དྲང་སྙོམས་དྲང་གཞག་གི་ཁྲིམས་སྐྱོང་འགན་སྲུང་ལམ་ལུགས་འཐུས་ཚང་དུ་བཏང་སྟེ། བཅའ་ཁྲིམས་དང་ཁྲིམས་སྲོལ་ལག་བསྟར་དོན་འཁྱོལ་ནན་ཏན་བྱས་ནས། སྤྱི་ཚོགས་འགན་འཁྲི་ཡི་ཐོག་མའི་བསམ་འདུན་བརྟན་སྲུང་དང་། ལས་ཞུགས་ལག་བསྟར་བྱ་རྒྱུ་ནི་དམངས་འཚོའི་རྩ་བ་ཡིན་པ་གཙོ་གནད་དུ་འཛིན་རྒྱུ་མཐའ་འཁྱོངས་བྱས་ནས། ལས་ཞུགས་ལ་སྐུལ་འདེད་ཤུགས་ཆེན་གཏོང་བ། སྤྱི་ཚོགས་འགན་སྲུང་གི་ཁོངས་གཏོགས་འཛུགས་སྐྱོང་ལ་སྐུལ་འདེད་ཧུར་ཐག་གཏོང་བ་བཅས་བྱེད་དགོས། བཞི་ནས་ལས་རིགས་རྩལ་ནུས་པའི་གསོ་སྦྱོང་ལ་ཤུགས་སྣོན་རྒྱག་པ། ཤེས་ལྡན་མི་སྣའི་དོ་དམ་ལམ་སྲོལ་མུ་མཐུད་འཐུས་ཚང་དུ་གཏོང་བ། ཤེས་ལྡན་མི་སྣ་སྐྱེད་སྲེང་དང་ནང་འདྲེན་གྱི་ཐབས་ལམ་རྒྱ་ཆེར་གཏོང་བ། ཤེས་ལྡན་མི་སྣ་ཐོན་ཐུབ་པ་དང་། ཐོན་ནས་སྡོད་ཐུབ་པ། ཕན་འབྲས་ཐོན་པ་བཅས་ཀྱི་འགན་ལེན་བཅས་བྱེད་དགོས།

བརྟག་ཞིབ་ཚོགས་ཆུང་གིས།ངོས་འཛིན་ཐད་ཀྱི་གནད་དོན་ཐག་གཅོད་བྱས་ནས་ལས་རིགས་ཁག་གིས་སྤྱི་ཚོགས་འགན་བཅོལ་ལས་དོན་ལ་ངོས་འཛིན་བྱེད་ཤུགས་སྔར་བས་ཆེ་རུ་གཏོང་དགོས་པ་དང་། སློབ་སྦྱོང་དང་དྲིལ་བསྒྲགས་བྱེད་ཤུགས་ཆེ་རུ་གཏོང་བར།འབྲེལ་ཡོད་སྡེ་ཁག་གིས་

སྤྱི་ཚོགས་འགན་བཅོལ་སྐོར་གྱི་བཅའ་ཁྲིམས་ཀྱི་དང་འབྲེལ་ཡོད་ཆ་འགྲིག་སྲིད་ཇུས་སློབ་སྦྱོང་དང་ཁོང་དུ་ཆུད་པར་བྱ་དགོས། ལས་ཀའི་ཐབས་ཇུས་ལེགས་སུ་གཏོང་བ་དང་།དེ་བས་ནུས་ལྡན་གྱི་ལས་ཀའི་བྱ་ཐབས་ལ་ཤུགས་སྣོན་རྒྱག་པ། སྤྱི་ཚོགས་འགན་བཅོལ་ནང་ཞུགས་ཚད་ཟམ་མི་ཆད་པར་མང་དུ་གཏོང་བ། ལམ་ལུགས་ཁྱོན་ཡོངས་ནས་མི་ཀུན་ལ་ཁྱབ་པའི་འགྱུར་བཅོས་ཡོང་བ་བྱེད་པ། ཆ་འཕྲིན་མཉམ་སྤྱོད་དུ་འགྱུར་བར་སྐུལ་འདེད་དང་དོན་འཁྱོལ་བྱེད་པར་ཤུགས་སྣོན་རྒྱག་པ་དང་། སྤྱི་ཚོགས་འགན་སྲུང་དཔུང་ཁག་འཛུགས་སྐྱོང་བྱེད་པར་ཚད་མཐོའི་མཐོང་ཆེན་བྱ་དགོས་ཤིང་། ལས་སྒྲུབ་མི་སྣའི་གྲངས་ཚད་ཐད་ཀྱི་གནད་དོན་ཐག་གཅོད་བྱ་དགོས་ལ།མི་སྣའི་སྤུས་ཚད་ཐད་ཀྱི་གནད་དོན་ཡང་ཐག་གཅོད་བྱས་ཏེ། དམངས་འཚོ་འགན་སྲུང་གི་སྲིད་ཇུས་ཁག་དོན་འཁྱོལ་ནུས་ལྡན་ཡོང་བར་འགན་ལེན་ཏན་ཏིག་དང་། མི་དམངས་མང་ཚོགས་ཀྱི་ཐོབ་སྣང་དང་བདེ་སྐྱིད་ཚོར་སེམས་དང་བདེ་འཇགས་ཚོར་སེམས་རྒྱུན་ཆད་མེད་པར་ཆེ་རུ་གཏོང་དགོས། །